فیدیۆ
نوێ ترین بەرھەمی سامی یوسف به‌ زمانی كوردی 2016

نوێ ترین بەرھەمی ئەحسەن حەسەن ٢٠١٥

یادەوەری بەفر بەشی دووه‌م ژيانى (مامۆستا ملا ابراهیم عبدالرحیم دەڵەمەری)
قورئانی پیرۆز
کاتەکانی بانگ
قورئانی پیرۆز بە دەنگی چەند قورئان خوێنێک
تەفسیری ھەمو قورئانی پیرۆز بە کوردی
کاروانی شه‌هیدان

توحفه‌ي‌ ژياني‌ ماموستا مه‌لا ئه‌حمه‌د
رۆژنامه‌ی باسك
#12
5/1/2013
خوێندنه‌وه‌


ئه‌رشیف
بنه‌ماو ئایدۆلۆژیای خه‌واریج ناڕازی بوون، توڕه‌یی،به‌رپه‌رچ دانه‌وه‌‌و تاوان
5/9/2016

بنه‌ماو ئایدۆلۆژیای خه‌واریج ناڕازی بوون، توڕه‌یی،به‌رپه‌رچ دانه‌وه‌‌و تاوان

شۆرش كه‌مال

پڕۆژه‌ی خه‌وارج له‌ كۆن و نوێ‌ دا ته‌نها بریتیه‌ له‌ دیارده‌ی (توڕه‌یی و به‌رپه‌رچ)دانه‌وه‌ هه‌ر وه‌ك له‌ هه‌ڵسوكه‌وت‌و دیارده‌ ده‌ره‌كیه‌كانیان دا ڕه‌نگی داوه‌ته‌وه‌، ئه‌مه‌و پڕۆژه‌كانیان به‌شێوازێك ده‌خه‌نه‌ ڕوو كه‌وا ئه‌وان جێگره‌وه‌و به‌دیلن بۆ ئه‌و واقیعه‌ی كه‌وا خه‌ڵكی تێدا ده‌ژی، وه‌ هه‌ر ئه‌وانیش ده‌توانن ئه‌و واقیعه‌ بگۆڕن كه‌وا هه‌یه‌ یاخود به‌سه‌رخه‌ڵكی دا چه‌سپیوه‌، وا نیشان ده‌ده‌ن كه‌وا ئه‌و دیارده‌و دیدارانه‌ی كه‌وا ده‌بینرێ‌‌و پیاده‌ ده‌كرێ‌ هه‌موو له‌ هۆكاری بێ ئاگایی‌و دروست بوونی گه‌لێك‌و بۆشاییانه‌ دروست بووه‌ كه‌وا خه‌ڵكانێك ده‌ركی پێ‌ ناكه‌ن و ته‌نها ئه‌وان ده‌یزانن و نایانه‌وێ‌ ئه‌و دیاردانه‌ به‌و شێوازانه‌ بمێنێته‌وه‌ به‌ڵكوا وا نیشان ده‌ده‌ن كه‌وا ئه‌وان ته‌نها و ته‌نها پاڵه‌وانی ڕاسته‌قینه‌و سوارچاكی ڕزگا كه‌رن. هه‌ر بۆیه‌ش هه‌رده‌م سروشتی ئه‌و كۆمه‌لانه‌ وه‌ها بووه‌ كه‌وا خه‌ڵكی له‌ ده‌وری خۆیان كۆ بكه‌نه‌وه‌ ڕای زۆرینه‌ به‌لای خۆیاندا ڕابكێشن و ده‌سته‌ڵات‌و ده‌رهێنانی به‌ڕه‌ له‌ژێر پێی ده‌سه‌ڵات‌و دروست كردنی هێزێكی جه‌ماوه‌ری و به‌په‌رچ دانه‌وه‌و زۆرجاریش شێواندنی ڕاستی‌و خۆبه‌خاوه‌ن كردنی قه‌زیه‌و ئه‌ركو مافه‌كان هه‌ر له‌و ده‌زگایه‌شه‌وه‌ توانیویانه‌ خۆیان بخزێننه‌ ناو مه‌سه‌له‌ جۆراو جۆرو سیاسیه‌كان له‌ نێو كۆمه‌ڵگه‌دا. واته‌ كۆمه‌ڵگه‌ وه‌ك هۆكارێك به‌كار بهێنن بۆ كار پاشان بۆ گۆڕان و وه‌ك هه‌ویرێك چۆنیان بوێ‌‌و چیان بوێ‌ لێی دروست بكه‌ن، تاوه‌كو داهاتووی گۆڕه‌پانه‌كه‌ بۆ خۆیان قۆرخ بكه‌ن‌و سه‌ره‌نجام بگه‌نه‌ خه‌ون و ئه‌ندێشه‌كانیان. دروست كردنی كۆمه‌ڵگه‌یه‌كی له‌و جۆرو شێوه‌یه‌ زه‌روره‌ت‌و پێداویستیه‌كی واقیعه‌ بۆ ئه‌وان ده‌بێ‌ ببێ‌ وه‌هه‌ر له‌سه‌ره‌تاشدا بۆ ئه‌و مه‌به‌سته‌ كار ده‌كه‌ن. پڕۆژه‌ی خه‌واریج وه‌ك هه‌ر پڕۆژه‌یه‌كی شۆڕش گێڕی رادیكاڵیانه‌ كار ده‌كات، نه‌وه‌ك شۆڕشێكی جه‌ماوه‌ری له‌پێناو ماف و ئه‌ركه‌كاندا. شۆڕشی خه‌واریجی له‌ پێناو به‌ده‌ست هێنانی چه‌ند ئامانجێكی دیاری كراو به‌خۆیان بۆ گه‌یشتن به‌ده‌سته‌ڵات هه‌موو هۆكاره‌كان ده‌گرنه‌ به‌ر گه‌رچی ڕێگه‌ پێدارو بێ‌ یان نا قه‌ده‌غه‌ كراو بێ‌ یا خود ڕێگه‌ پی دراو لای ئه‌وان گرنگ نیه‌ به‌ڵكو گرنگ ئامانجه‌ تایبه‌تیه‌كانی خۆیانه‌ كه‌ زۆر مه‌به‌ستیان پێی بگه‌ن له‌و پیَِناوه‌شدا هه‌موو شتێك ده‌دۆڕێنن به‌بێ‌ ئه‌وه‌ی كه‌وا گوێی پێ‌ بده‌ن گه‌رچی بیرو باوه‌ڕ بێ‌ یاخود فیقه و ته‌شریع و یاسا یان ڕاستگۆی ڕاگه‌یاندن یان ئیداره‌و سیاسه‌ت كردن واته‌ بۆ مه‌به‌سته‌كان یاخود ئامانجه‌كان هه‌موو جۆره‌ بڕوبیانوو هۆكارێك ده‌گرنه‌به‌ر واته‌ (سیاسه‌ت = داواكاری= هۆكار=ئامانج) به‌و پێیه‌ تاوان پاساوی بۆ دێته‌وه‌و وه‌ك هۆكارێك به‌كاردێ‌ بۆ به‌دی هێنانی ده‌ستكه‌وت و ئه‌وكاته‌ش نه‌یاساو نه‌شه‌رع و فیقه و نه‌هیچ به‌هایه‌كی تری ئه‌خلاقی و مرۆیی نابێته‌ پشتگیری یاخود به‌ربه‌ست له‌به‌رده‌م تاوانه‌كاندا كه‌ مرۆڤه‌كان یاخود سه‌ركرده‌ بزوێنه‌ره‌كانی ئه‌و بزاف و تاقم و كۆمه‌ڵه‌و هاوناوو هاوپیشه‌كانی تری خه‌واریج ئه‌نجامی ده‌ده‌ن. هه‌ر ئه‌مه‌ش ده‌بێته‌ هۆی ئه‌وه‌ی كه‌وا خه‌واریج له‌ پێناو ده‌ستكه‌وته‌ تاك لایه‌نی‌و ده‌ستكه‌وته‌ ماددی یه‌كانی خۆیاندا سنوردانه‌نێین‌و هه‌ڵوێسته‌ نه‌كه‌ن له‌هیچ كارێكدا، كه‌ هه‌ر ئه‌مه‌ش وای كردوه‌ كه‌ ئه‌مڕۆ جیهان پڕ ببێت له‌ تاوان‌و هه‌موو جێگاو شوێنێك بگرێته‌وه‌. دیاره‌ كه‌وا دیارده‌ی تاوان ئه‌مڕۆ، دیارده‌یه‌كی به‌ربڵاوه‌ له‌سه‌ر ئاستی هه‌موو جیهان به‌ڵام ئه‌و تاوانه‌ی كه‌وا تاكه‌ كه‌سێك ئه‌نجامی ده‌دات زۆر جیاوازه‌ له‌و تاوانه‌ی كه‌وا ده‌سته‌و كۆمه‌ڵێكی خه‌واریجی ئه‌نجامی ده‌ده‌ن. ڕه‌نگه‌ تاكه‌ كه‌س له‌ ڕووی كه‌سێتیه‌وه‌ هۆكارێكی لابه‌لای پاڵی پێوه‌ نابێ‌ نمونه‌ بۆ دزی هه‌ڵی كوتابێته‌ سه‌ر ماڵێك یاخود جێگایه‌ك و له‌ ناكاو ڕوداوێك ڕووی دابێت‌و له‌ پێناو سه‌لامه‌تی خۆیدا كه‌تنێكی دابێت‌و كه‌سێكی كوشتبێ‌ یاخود به‌بێ‌ به‌رنامه‌ كارێكی كردبێ‌ وه‌ هه‌ندێ‌ جاریش له‌ پێناو ده‌ستكه‌وتێك دا تاوانێك ئه‌نجام ده‌دات. به‌ڵام ئه‌وه‌ی كه‌وا دامه‌زراوه‌یه‌ك یاخود گروپ و كۆمه‌ڵێك ئه‌نجامی ده‌ده‌ن زۆر جیاوازه‌ له‌و جۆره‌ كارانه‌، ڕاسته‌ ده‌ستكه‌وتی ماددی یان مه‌عنه‌وی یاخود سیاسی له‌ پشته‌وه‌ هه‌یه‌ به‌ڵام تێكڕا كارێكی هه‌وانته‌یی و بێ‌ سه‌روبه‌ری نیه‌و به‌رنامه‌ بۆ داڕێژراوه‌و پێشتر به‌ده‌سته‌ جه‌معی ئاماده‌كاری بۆ كراوه‌و ته‌نها ده‌ستكه‌وتی ماددی ئه‌نجام نیه‌ به‌ڵكو له‌پێناو ئه‌و خه‌ون‌و خه‌یاڵاتانه‌دا خه‌رجێكی ماددی مه‌عنه‌وی زۆریش ده‌درێ‌ چونكه‌ ئه‌وان وه‌ به‌رهێن نین خه‌رج كه‌رن چی له‌ ڕووی ماددی و چی له‌ ڕووی مه‌عنه‌ویه‌وه‌ ئه‌و هێزه‌ی هه‌یانه‌ ده‌یسوتێنن له‌ پێناوی ئامانجه‌كانیان دا كه‌ ئه‌مه‌ش زۆر پێچه‌وانه‌ی تاوانی تاكه‌ كه‌سیه‌ كه‌ هه‌موو شتێك له‌ پێناوی خۆیی‌و ده‌ستكه‌وته‌ ماددی و مه‌عنه‌ویه‌كاندا ده‌كات. هه‌ڵگرانی بیروباوه‌ڕی خه‌ورایج به‌ر له‌ هه‌ر شتێك هه‌وڵی پێكهێنانی زه‌مینه‌سازیه‌كی تایبه‌ت به‌خۆیان ده‌ده‌ن له‌ نێو كۆمه‌ڵگاكاندا بۆ به‌رهه‌م هێنانی هه‌وادارانی بیرو باوه‌ڕه‌كه‌یان، تا بتوانن وه‌ك پێكهاته‌یه‌ك بۆ بزواندنی بیروباوه‌ڕه‌كه‌یان بیان كه‌نه‌ سوته‌مه‌نی بۆ ئه‌مه‌ش زیاتر خه‌ڵكانی ساده‌و خۆش باوه‌ڕ و گێل به‌كار ده‌هێنن تابیانكه‌نه‌ هه‌وادارو پاڵپشتی بۆ تاوان و كاره‌ تێكده‌ره‌كانیان.بیرو باوه‌ڕو ئایدۆلۆژیای خه‌واریج له‌سه‌ر بنه‌ما تایبه‌ته‌كانی خۆی به‌جۆرێك تاكه‌كان دروست ده‌كات كه‌ هه‌رده‌م له‌ بیرو هه‌وڵی به‌رپه‌رچ دانه‌وه‌و ناڕه‌زایی دابن له‌ده‌سته‌ڵات و كاربه‌ده‌ستان، وه‌ هه‌رده‌م سروشتی خه‌ورایج وایه‌ كه‌ له‌ خاڵه‌ لاوازو دژواره‌كان بكه‌نه‌ سه‌نگه‌رێك بۆ ڕووبه‌ڕوو بونه‌وه‌و هه‌رچی خه‌ڵكانی نه‌دیارو ناڕه‌زای له‌ ده‌سته‌ڵات كه‌ هه‌یه‌ له‌ ژێر یه‌ك چه‌تر دا كۆ بكه‌نه‌وه‌ تاكارو كاردانه‌وه‌یان لێ‌ دروست بكه‌ن به‌ ئاڕاسته‌یه‌ك كه‌ پێچه‌وانه‌ی داواكانی خۆیان بن به‌م جۆره‌ش ئه‌وان له‌ ژێر چه‌تری په‌شێوی و ئاڵۆزی دا گه‌شه‌ به‌كارو چالاكی و بیرو باوه‌ڕی خۆیان ده‌ده‌ن تا زیاتر بن هه‌وادار و مورید بۆ خۆیان دروست بكه‌ن تا سه‌نگ و قورساییان هه‌بێت له‌ هه‌موشی خراپ تر ئه‌وه‌یه‌ كه‌وا به‌ناوی خواو له‌ژێر به‌یداخی ئیسلام دا هه‌موو ئه‌م كاره‌ دزێوو ناحه‌ز به‌ مرۆڤ و ئایین و ئیسلام ده‌كه‌ن وه‌ به‌ درێژایی مێژووی ئیسلامی تا ئه‌مڕۆش خه‌واریج گه‌وره‌ ترین گورزی كوشنده‌ یان له‌ ئیسلام و موسڵمانان داوه‌.



328 جار خوێنراوه‌ته‌وه‌
وتار و سروود
وتاری هه‌ینی مامۆستا مەلا تاهیر بامۆكی به‌ ڤیدیۆ (پێشوازی ڕه‌مه‌زان و ئامۆژگاری و داواكاری‌) چەمکی ئەنفال لە نێوان ستەمکار و ستەملێکراودا مێژووی بزووتنه‌وه‌ی ئیسلامی له‌زاری مێزه‌ره‌ سپیه‌كانه‌وه‌ سەفەری بەفر " شەهید خدر كۆساری "
مافی کۆپی کردنی پارێزراوه‌ بۆ ماڵپه‌ری باسک نێت - 2012
Developed by Avesta Group and powered by Microsoft Azure